لتبقي رشيقة تفضلي

السلام عليكم ...

أولا النصائح دى أنا كتبتها عن تجربة شخصية ليا وفعلا لو مشيتى

عليها بجد هتنقصى كتير جداا من وزنك

وكمان وزنك بعد كده هيثبت

1- امسحى من حياتك حاجة اسمها السكر الأبيض لو عاوزة تنزلى

وزنك بجد عودى نفسك على البدائل لو متقدريش تستغنى نهائيا عن

السكر لانه فعلا العدو اللدود للجسم وصدقينى لو امتنعتى عن السكر

بس أول شهرين انتى نفسك مش هتحبى طعمه فى أى حاجة بعد كده

2-ياريت يا بنات نبطل عادة الشيكولاته اللى بتبوظ الدنيا دى لانها فعلا

بتضيع كل حاجة أنا مش هقولك متاكليش منها طول عمرك بس ياريت

لو عاوزة أوى يعنى على فترات متباعدة جدااا

3- البيبسى كلنا طبعا بنحبه وبنموت فيه بس لو تعرفوا أنى أنا شخصيا

تعبت جداا بسببه وحصلى مشاكل فى نقص الكالسيوم والله بسببه وكمان

بيعمل تسوس فى الأسنان وبيضعف حاجات كتير ده غير انه بيزود

الجسم جاامد يعنى ليه نضر نفسنا بادينا ؟؟

4-حاولى أنك تكونى أكتر نشاط يعنى ليه تركبى تاكسى لو هتمشى

لمكان قريب وتاخدى مواصلات عادية وليه تركبى الأسانسير لو

انتىمثلا طالعة للدور الرابع او حتى الخامس الحاجات دى بتفرق كتير

جداا

5- لو طبختى أكلة بتحبيها جداا وانتى عارفة ان سعرتها عالية وانك

هتاكلى منها كتير حاولى تشربى ماء كتير قبل الأكل وممكن تبداى

بالبروتينات وحاولى أكتر انك تعتمدى فى أكلك على المشويات

6-متحطيش فى دماغك انك بتعاقبى روحك باتباع نظام رجيم فكرى فى

انك عاوزة تأكلى أكل صحى علشان تحافظى على صحتك وتسعدى

زوجك وأبائك ومتخليش الموضوع ده يؤثر فى شخصيتك ولا يفقدك

الثقة فى نفسك

7- حاذرى من تنفيذ أى نوع من انواع الرجيمات المنتشرة بدون

استشارة طبيب والاعتماد على خبرات الأخرين كل جسم بيختلف عن

التانى

8- حاذرى أيضا من اتباع الأنظمة التى تعتمد على الحرمان النهائى

من الأكل اللى انتى بتحبيه لانك هترجعى تاكلى تانى وأكتر من الأول

فى النهاية أتمنى لكم كل الصحة والرشاة وكل عام وأنتم بخير



ــــــــــــــــــــــــــــــــــــــــــــــــــــــــــــــــ